Мадриднинг “Реал” клуби ҳужумчиси Винисиус Жуниор ФИФА томонидан 2024 йилнинг энг яхши футболчиси деб топилгани ҳақида гапирди.
“Келдим, кўрдим, ғалаба қозондим.
Улар мени камситишга, қадрсизлантиришга ҳаракат қилишди. Лекин улар тайёр эмас. Ҳеч ким менга нима учун курашишни, ўзини қандай тутишни айтолмайди. Сан-Гонсалода яшаганимда, ҳеч ким мен билан қизиқмасди.
Мен ўзим ва оилам учун ғалаба қозондим. Бу йўлда мени "Фламенго", "Реал Мадрид", Бразилия терма жамоаси, жамоадошларим, ҳар куни ҳамроҳлик қиладиган одамлар ва мени ҳайратда қолдирадиганлар қўллаб-қувватладилар", - деди Винисиус.
17 декабрь куни бўлиб ўтган тақдирлаш маросимида Винисиус йилнинг энг яхши футболчиси деб топилди.
