Жанубий Америка клубларининг энг нуфузли мусобақаси саналган Либертадорес кубоги ҳам энг қизғин паллага кириб улгурди. Кеча ва бугун тонгга яқин мусобақанинг чорак финал дастлабки учрашувлари бўлиб ўтди.

Аргентина дербисига айланган «Бока Хуниорс» ва «Ньюэллс Олд Бойз» жамоалари ўртасидаги дастлабки учрашувда ғолиб номи аниқланмади. Иккала жамоа ҳам рақиб даврозаси томон йўл топа олишмади.

Роналдиньо тўп сураётган «Атлетико Минейро» эса сўнгги дақиқаларда мағлубиятдан қутулиб қолди ва ўз уйида бўлиб ўтадиган жавоб учрашувидан олдин яхши имконият ҳосил қилди. Мексиканинг «Тихуана» клуби уларга бу босқичда рақиблик қилади.

Кейинги босқич масаласини деярли ҳал қилиб қўйган ягона жамоа бу Колумбиянинг «Санта Фе» жамоаси дейиш мумкин. Перуга сафар қилган клуб 3:1 ҳисобидаги ғалаба билан қайтди. «Флуминенсе» ва «Олимпия» учрашувида ҳам нурсиз дуранг қайд этилди.

Эслатиб ўтамиз, Либертадорес Кубоги чорак финалининг жавоб учрашувлари 29 ва 30 май кунлари бўлиб ўтади.

ЛИБЕРТАДОРЕС КУБОГИ
1/4 финал
Дастлабки учрашувлар

БОКА ХУНИОРС (Аргентина) – НЬЮЭЛЛС ОЛД БОЙЗ (Аргентина) 0:0
Бока Хуниорс: Орион, Марин, Каруццо, Г. Бурдиссо, Родригес, Эрвити (Санчес Миньо, 83), Рикельме, Сомоса, Эрбес, Бланди, Мартинес (Акоста, 76).
Ньюэллс Олд Бойз: Гузман, Фигероа (Тонсо, 72), П. Перес (Бернарди, 84), М. Касерес, Хайнце, M. Каско, Матео, С. Вержини, Крусадо, М. Родригес, Скокко (Уррути, 90).
Четлатиш: Г. Бурдиссо (90+4, Бока Хуниорс).

ТИХУАНА (Мексика) – АТЛЕТИКО МИНЕЙРО (Бразилия) 2:2 (1:0)
Голлар: Риаскос Барахона (32), Ф. Мартинес (53) – Тарделли (66), Луан (90+2).
Тихуана: Сокедо, Ортис, К. Пеллерано, Ф. Мартинес (Пичено, 87), Гандолфи, Арсе, Нуньес, Кастильо, Руис (Д. Маркес, 82), Риаскос Барахона, Морено (Корона, 72).
Атлетико Минейро: Виктор, Жуниор Сезар, Роша, Ревер, Пьер, Анисио (Луан, 46), Донизете (Жосуэ, 82), Жилберто Силва, Тарделли, Жо (Александро, 90), Роналдиньо.

РЕАЛ ГАРСИЛАСО (Перу) – САНТА ФЕ (Колумбия) 1:3 (0:2)
Голлар: A. Рамуа (64) – Меса (20), Медина (23), Х. Куэро (54).

ФЛУМИНЕНСЕ (Бразилия) – ОЛИМПИЯ АСУНСЬОН (Парагвай) 0:0
Четлатиш: Аранда (82, Олимпия).