«Рома» бош мураббийи Клаудио Раньери жамоасининг украиналик ҳужумчиси Артём Довбик ҳалигача оптимал ҳолатга эриша олмагани сабабини айтди.
«Жамоа машғулотлари кам бўлса, бундай даражадаги футболчи бир ҳафта ичида формага кира олмайди. Ишончим комилки, у чемпион ва у буни бизга кўрсатиши керак», - дея Раньерининг сўзларини келтиради «Roma News».
Айни дамда «Рома» Италия чемпионати турнир жадвалида 16-турдан кейин 16 очко билан 12-ўринни эгаллаб турибди. Довбик жорий мавсумда «бўрилар» сафида 20 та ўйинда майдонга тушиб, 6 та гол уришга муваффақ бўлди.
