"Наполи" "Ювентус" ҳимоячиси Данилога қизиқиш билдирмоқда.

Бразилиялик футболчининг ўзи январь ойида неаполликлар сафига ўтиши мумкин бўлган миш-мишларга изоҳ берар экан, мавсум давомида жамоасини тарк этиш ниятида эмаслигини айтди. Бироқ, журналист Николо Скиранинг сўзларига кўра, "Наполи" ҳали ҳам Данилони сотиб олишни истамоқда. Ҳозирча клублар ўртасида тўғридан-тўғри музокаралар олиб борилмаяпти, аммо "Наполи" спорт директори Жованни Манна аллақачон 33 ёшли футболчининг агентлари билан боғланиб, потенциал шартнома шартлари ҳақида маълумот сўраган.

Данилонинг "Ювентус" билан шартномаси жорий мавсум охирида якунига етади.