Ўзбекистоннинг иккинчи рақамли теннисчиси Фаррух Дўстов Парижда бошланаётган катта дулбға туркумига кирувчи йилнинг энг нуфузли мусобақасидан бири "Ролан Гарос" мусобақасининг саралаш баҳсларида иштирок этмоқда.

Дастлаб ҳамюртимиз австралиялик Самуэль Гротни мағлуб этди. Фаррух дастлабки сетда 1:6 ҳисобида ютқазиб қўйганига қарамай, иккинчи ва учинчи сетларда бир хил ҳисобда (6:4, 6:4) ғалаба қозониб, матчни ўз фойдасига ҳал қилди.

Саралашнинг иккинчи босқичида Дўстов голландиялик Жессе Хута Галунг билан баҳс олиб борди. Дастлабки сет тай-бреккача етиб борди ва унда ўзбекистонлик спортчининг қўли баланд келди — 7-2. Иккинчи сет эса Фаррухнинг устунлиги ўтди — 6-3.

Саралашнинг учинчи босқичида теннисчимиз германиялик Юлиан Рейстарга қарши кортга чиқади. Ўйин бугун бўлиб ўтади. Фаррух Дўстов ушбу теннисчини ҳам мағлуб эта олса, саралашнинг сўнгги босқичида унга Уэйн Одесник (АҚШ) - Самдей Девварман (Ҳиндистон) жуфтлиги ғолиби рўбарў келади.