"Манчестер Сити" дарвозабони Штефан Ортега жамоа устози Хосеп Гвардиола ҳақида фикр билдирди. Айни дамда "шаҳарликлар" инқирозни бошидан кечирмоқда - улар сўнгги 11 учрашувнинг фақат биттасида ғалаба қозонишган.
"Гвардиола ютқазишни ёқтирмайди ва ҳақиқатан ҳам ечим топмоқчи. Илгари бутун Англияда ҳукмронлик қилган мураббий тўсатдан жуда ёмон бўлиб қолганини ҳеч ким менга айтолмайди. Эҳтимол, у бироз ноодатий тарзда ечим излаётгандир. У доимо мукаммалликка интилади. Мен уни жуда ижобий деб биламан, у бизга жуда меҳрибон. Гвардиола бизга ёрдам бермоқда", - деди Ортега.
