Тошкентнинг «Локомотив» клуби ўз вақтида «Локомотив» сафида рўйхатдан ўтган футболчилар — Жасур Жалолиддинов, Жавоҳир Абдуалимов, Жалолиддин Жумабоев, Нурмуҳаммад Тошпўлатов ва Анвар Алижонов учун машғулот компенсацияси талаб қилишни бошлади.
“Футболчилар мақоми ва трансфери бўйича регламент”да машғулот компенсацияси нима эканлиги ва уни ҳисоблаш механизми тушунтириб ўтилган. Шу асосда «Локомотив» юқорида номлари келтирилган футболчилар учун «Нефтчи», «Навбаҳор», «Машъал» ҳамда «Дўстлик Тошкент» клубларидан регламент асосида пул олишни режалаштирган. Бунда нафақат компенсация, балки уни ўз вақтида тўламаганлик учун пенялар ҳам инобатга олинган.
