"Наполи" бош мураббийи Антонио Конте "Женоа" устидан қозонилган ғалабадан кейин (2:1) интервью берди.
"Биринчи бўлимда биз ҳар томонлама устунлик қилдик, мен бундан мамнун бўлдим. Танаффусда мен ўйинчиларга рақибларини ўйинга қайтишларига йўл қўймасликларини айтдим, лекин айнан шундай бўлди.
Мен бу стадионни яхши биламан – атмосфера кескинлашиши учун биргина учқун етарли. Биз қийинчиликларга дуч келяпмиз.
Бугунги иккинчи таймни узоқ вақт эслашимиз керак. Биз секинлашдик, шунинг учун ҳамма нарсани яна бошидан бошлашга тўғри келди.
Агар биз юқори ўринлар учун курашмоқчи бўлсак, тўлиқ 95 дақиқа ўйнашимиз керак", - деди Конте.
