"Комо" бош мураббийи Сеск Фабрегас жамоасининг "Интер"га (0:2) қарши ўйиндаги ҳаракатлари ҳақида ўз фикрларини билдириб ўтди.
"Ҳаммаси майда деталларга бориб тақалади. Стандарт вазиятлар "Интер"га ҳимоямизни бузишга ёрдам берди ва менимча, рақибларимиз тўпсиз бунчалик ишончли ўйнашимизни кутмаган эди. Бироқ, биз тўп билан ҳам анча яхши бўлишимиз керак. Бугун мен қайси ўйинчиларнинг қонида бизнинг футбол услубимиз бор, қайсилари эса йўқлиги ҳақида ажойиб тасаввурга эга бўлдим.
"Интер" биринчи бўлимда бирор вазит яратганини эслай олмайман. Бизнинг имкониятларимиз бор эди. Мен ғазабдаман, чунки биз рақибдан очко олишимиз мумкин эди, аммо бундай қилмадик. Менга характерли футболчилар керак", - дея Фабрегаснинг сўзларини келтиради Football Italia.
