"Тоттенхэм" бош мураббийи Анге Постекоглу Премьер-лигадаги ёмон натижалардан кейин босим остида.

"Шпорлар" Англия чемпионатининг 17-туридан кейин турнир жадвалида 11-ўринда бормоқда. Яқинда "Ливерпуль"га қарши кечган ўйинда лондонликлар ўз майдонида йирик 3:6 ҳисобида мағлубиятга учради. Журналист Пит О’Руркнинг сўзларига кўра, "Тоттенхэм" бош мураббийи ҳали ҳам ишдан бўшатилиш хавфи остида эмас. Клуб раҳбарияти австралияликни тўлиқ қўллаб-қувватламоқда, гарчи жамоанинг Премьер-лигадаги ҳолати ачинарли бўлса ҳам.

Кейинги турда "Тоттенхэм" сафарда "Ноттингем Форест"га қарши баҳс олиб боради. Учрашув пайшанба куни бўлиб ўтади.