"Бёрнли" дарвозабони Жеймс Траффорд қишки трансфер ойнасида "Тоттенхэм" сафига қўшилиши мумкин. "Шпорлар" асосий дарвозабони Гульельмо Викариони тўпиғи синганидан кейин бир неча ойга майдондан четда қолади.
Mirror Football хабарига кўра, Лондон клуби янги дарвозабон изламоқда, асосий мақсад сифатида "Бёрнли"нинг дарвозабони Траффорд қилиб белгиланган. "Тоттенхэм" 22 ёшли англиялик футболчи учун 20 миллион фунт стерлинг тайёрламоқда.
Жеймс Траффорд ноябрь ойидаги Миллатлар лигаси ўйинлари учун Англия терма жамоасига чақирилган эди, аммо ҳали "уч шерлар" сафида дебют қилгани йўқ.
