"Ливерпуль"нинг нидерландиялик ҳимоячиси Виржил ван Дейк жамоасининг жорий мавсумда АПЛ чемпионлигини қўлга киритиш имкониятлари ҳақида гапирди.
"Бизда шундай тажриба бор, икки марта чемпионликка яқин қолгандик ва ютқаздик. Охирги ўйинда "Тоттенхэм"ни мағлуб этдик, энди "Лестер" билан учрашувга тайёргарлик кўрамиз. Биз ўйиндан-ўйинга ўтишимиз керак. Май ойида нима бўлиши ҳақида ҳали ўйламаймиз. Биз чемпионликни мақсад қилганмиз, лекин уни қўлга киритиш осон бўлмаслигини тушунамиз", - деди Ван Дейк.
Ўтказилган 16 ўйиндан сўнг мерсисайдликлар 39 очко жамғариб, Англия чемпионати турнир жадвалида пешқадамлик қилишмоқда. Арне Слот шогирдлари иккинчи ўриндаги "Челси"дан 4 очко олдинда.
