"Спортинг" бош мураббийи Жоау Перейрани истеъфога чиқарганини эълон қилди. 40 ёшли мутахассиснинг истеъфоси клуб матбуот хизмати томонидан тасдиқланди.
Португалиялик бу лавозимни 11 ноябрь куни эгаллаб, “Манчестер Юнайтед”га кетган Рубен Аморим ўрнига келганди. Мураббийлар ўзгаришидан сўнг “Спортинг”нинг натижалари кескин пасайиб кетди: “шерлар” барча турнирлардаги саккизта ўйиндан тўрттасида мағлуб бўлишди.
Айни пайтда Аморим қўл остида ишончли тарзда пешқадамлик қилаётган "Спортинг" Португалия чемпионати турнир жадвалида "Бенфика"дан бир очко ортда қолган ҳолда иккинчи ўринни эгаллаб турибди.
