"Манчестер Сити" 2024 йил охирида омадсизликка учради. Пеп Гвардиола шогирдлари Премьер-лигадаги сўнгги саккизта ўйинда бор-йўғи бир марта ғалаба қозонган ва олти марта мағлуб бўлган.
“Сити” нафақат чемпионлик пойгасидан чиқиб кетди, балки кучли тўртликдан ҳам четда қоляпти.
Opta таъкидлаганидек, Рождествогача Премьер-лига жадвалида еттинчи ўринни эгаллаб турган жамоалар ҳеч қачон тўртинчи ўриндан юқори бўлмаган. 17 турдан кейин “Манчестер Сити” учинчи ўриндаги “Арсенал”дан 6 очко ортда қолмоқда.
Тўртинчи ўриндаги “Ноттингем Форест” билан тўрт очко фарқи бор.
