"Челси" бош мураббийи Энцо Мареска Кристофер Нкункунинг клубдаги келажаги ҳақида фикр билдирди.

"Биз Кристофер Нкунку клубимизда ўйнаётганидан жуда хурсандмиз ва унинг биз билан қолишини истаймиз. Ўз ҳолатидан норози бўлган футболчилар ҳамиша топилади. Унинг клубни тарк этишни исташига ишончим комил эмас.

Агар футболчи ҳақиқатан ҳам жамоани тарк этишни истаса, биз уни клубда қолишга мажбур қила олмаймиз, мен уни бошқа йўл билан ишонтирмайман, агар кимдир кетишни истаса, иккала томон учун ҳам энг яхши вариант унинг кетиши бўлади", деди мураббий.

Жорий мавсумда 27 ёшли франциялик ҳужумчи клуб миқёсида 25 та ўйинда майдонга тушиб, 12 та гол урди ва 4 та голли узатмани амалга оширди.