Матеус Кунья "Арсенал"га ўтиши мумкин.
Лондон клуби "Вулверхэмптон" ҳужумчисига қизиқиш билдирмоқда, дея хабар беради The Telegraph. Қайд этилишича, "канонирлар" футболчини Микель Артетанинг сўзларига кўра, "кўп ҳафталар"ни ўтказиб юборадиган Букайо Сака жароҳат олишидан аввал ҳам кузатишни бошлаган.
Тахминларга кўра, Премьер-лигада жон сақлаб қолиш учун курашаётган "Вулверхэмптон" ўзининг энг яхши тўпурарини сотиш вариантини кўриб чиқишни кўп ҳам истамайди.
Премьер-лиганинг жорий мавсумида Кунья 18 та ўйин ўтказиб, 10 та гол урди ва 4 та голга ассистентлик қилди.
