АПЛнинг 18-туридан ўрин олган учрашувда "Фулхэм" сафарда "Челси"ни 2:1 ҳисобида мағлуб этди.
Меҳмон жамоа ярим ҳимоячиси Харри Уилсон 67-дақиқада захирадан майдонга тушди ва 82-дақиқада ҳисобни тенглаштирди. 27 ёшли уэльслик футболчи эндиликда захирадан майдонга тушиб, гол уриш бўйича "Астон Вилла" ҳужумчиси Жон Дюранга етиб олди.
Эндиликда иккала футболчи ҳам 4 тадан голлик натижа билан ушбу кўрсаткич бўйича биринчи ўринни бўлишмоқда. "Лестер" футболчиси Жордан Айю захирадан майдонга тушганидан кейин учта голга эга.
Уилсон жорий мавсумда клуб ва терма жамоа сафида 22 та ўйинда майдонга тушиб, 8 та гол урди ва битта голли узатмани амалга оширди.
