"Ливерпуль" мавсумнинг биринчи ярмида Арне Слот қўл остида атиги битта ўйинда мағлуб бўлди. Мерсисайдликлар сентябрда АПЛ 4-тури доирасидаги ўйинда ўз майдонида “Ноттингем Форест”га имкониятни бой беришганди (0:1).
Бу мағлубият Арне Слот жамоаси учун 2024 йил охиригача барча турнирларда ягона бўлиб қолди. “Қизиллар” яна уч бор дуранг ўйнаб, қолган барча учрашувларда ғалаба қозонишга муваффақ бўлди.
Якшанба куни “Вест Хэм” устидан қозонилган 5:0 ҳисобидаги ғалабадан сўнг, Слот сентябрь ойидаги ўйинни эслаб, ўрмончиларга ҳурмат бажо келтирди.
"Ноттингем Форест"га мақтовларим. Фақат улар биздан бўлди", - деди Слот ОАВ билан суҳбатда.
