"Милан" душанба куни Пауло Фонсекани ишдан бўшатишни эълон қилди. Португалиялик "россонерилар" бошқарувида атиги олти ой ишлади. "Милан"нинг собиқ бош мураббийи, ҳозирда "Реал"ни бошқараётган Карло Анчелотти Фонсеканинг истеъфоси ҳақида фикр билдирди.
"Мен ишдан бўшатиш мураббий ишининг бир қисми деган фикрда қоламан. Минг марта ишдан ҳайдалганман. Жамоада муаммолар юзага келса, масъулият фақат бир кишига тушади. Афсуски, шундай. Мураббий ўз ишида ёлғиз одам бўлади, айниқса қийин дамларда", - деди Анчелотти.
"Милан" А Серия турнир жадвалида саккизинчи ўринни эгаллаб турибди.
