"Манчестер Юнайтед" бош мураббийи Рубен Аморим биринчи бўлим тугашини кутмасдан, ҳужумчи Жошуа Зиркзеени майдондан олиб ташлашга қарор қилди.
"Қизил иблислар" "Ньюкасл"га қарши уй учрашувини ёмон бошлашди ва 19-дақиқагача икки марта гол ўтказиб юборишди.
Кўринишидан, португалиялик мутахассис бошланғич режа танлашда хатога йўл қўйган деб қарор қилди ва шу боис 34-дақиқада Зиркзеени ярим ҳимоячи Кобби Майнуга алмаштирди.
Эътиборлиси, нидерландиялик футболчи алмаштиришдан кейин захира ўриндиғига эмас, балки кийиниш хонасига ўтди.
