"Манчестер Юнайтед"нинг аҳволи шунчалик оғирки, Рубен Аморимдан Премьер-лигада жон сақлаб қолиш йўллари ҳақида жиддий сўрашди.
19-тур ўйинида "манкунианликлар" "Олд Траффорд"да "Ньюкасл"дан мағлуб бўлишди - 0:2.
"Қизил иблислар" айни дамда 22 очко билан турнир жадвалининг 14-поғонасида жойлашган бўлиб, қуйи лигага тушиб кетиш зонасидаги “Ипсвич”дан атиги 7 очко олдинда бормоқда.
"Кўриниб турибдики, биз қўлимиздан келганини қилишимиз керак. Жуда оғир лаҳза, клуб тарихидаги энг қийин пайтлардан бири", – деди Аморим.
