Дани Ольмо ва Пау Виктор "Барселона" уларни рўйхатдан ўтказиши мумкинлигига ишонишади.
Аввалроқ каталонияликлар Ла Лигада мавсумнинг иккинчи ярми учун футболчиларни рўйхатдан ўтказа олмагани маълум бўлганди. Клуб ҳафта охиригача Ла Лига сўраган кафолатларни тақдим этишни режалаштираётгани хабар қилинганди.
«Marca» хабарига кўра, "Барселона" Ольмо ва Викторни рўйхатдан ўтказиш бўйича Испания Қироллик футбол федерациясига (RFEF) яна бир бор мурожаат қилган. Футболчилар ва бош мураббий Ханс-Дитер Флик вазиятдан хавотирда, бироқ "Барселона" раҳбарияти бунга ечим топа олишига ишонмоқда.
Хабар қилинишича, Ольмо ва Виктор қолган ўйинчилар билан бирга "Барселона" билан машғулотларни давом эттиришади ва уларни рўйхатдан ўтказиш масаласи ҳал этилмагунча жамоа билан ишлашда давом этади. Ҳар икки футболчи ҳам клубни тарк этиш ҳақида ўйламаяпти.
