Фарруҳ Зокиров бошқарувидаги Ўзбекистон аёллар футзал терма жамоаси январь ойида 2025 йилги аёллар футзали бўйича Осиё кубоги саралаш баҳсларида иштирок этишидан хабарингиз бор.

Жамоамиз жой олган «С» гуруҳи баҳслари жорий йилнинг 11–19 январь кунлари Тошкент шаҳридаги «Юнусобод» спорт мажмуасида ўтказилади. Саралаш натижаларига кўра, тўрт гуруҳда дастлабки икки ўринни эгаллаган жамоалар ва энг яхши битта 3-ўрин соҳиби 2025 йилнинг 7–18 май кунлари Хитойда ўтказиладиган қитъа мусобақасининг финал босқичига йўл олади. Ўзбекистон аёллар футзал терма жамоаси саралаш босқичидаги иштирокини 2-турдан бошлайди.

2-тур. 13 январь | 15:00
Филиппин — Ўзбекистон

3-тур. 15 январь | 18:00
Ўзбекистон — Кувайт

4-тур. 17 январь | 18:00
Австралия — Ўзбекистон

5-тур. 19 январь | 18:00
Ўзбекистон — Туркманистон

Маълумот ўрнида, футзал бўйича аёллар Осиё кубогида дастлабки уч ўринни эгаллаган жамоалар 2025 йилнинг ноябрь – декабрь ойларида тарихда илк бор ташкил этилаётган футзал бўйича ФИФА аёллар Жаҳон чемпионатида иштирок этиш ҳуқуқини қўлга киритади.