"Интер" кетма-кет 5 та ўйинда бирорта ҳам гол ўтказиб юбормаган ҳолда ғалаба қозонди.

Бугун Симоне Индзаги шогирдлари Италия Суперкубоги ярим финалида "Аталанта"ни мағлуб этишди (2:0).

Бунгача А Серияда "Кальяри" (3:0), "Комо" (2:0), "Лацио" (6:0) устидан қуруқ ғалабалар қайд этилганди. Шунингдек, Италия кубогида "Удинезе" мағлуб этилган (2:0) .

Opta хабарига кўра, миланликлар 1929/30 йилги мавсумдан буён ўз тарихида тўртинчи марта бундай натижага эришди. Бу 2007 йилнинг ноябрь-декабрь ойларидан бери биринчи марта содир бўлди, ўшанда бундай серия 6 учрашув давом этган.