"Манчестер Сити" бош мураббийи Пеп Гвардиола клуб қишки трансфер ойнасида янги футболчиларни сотиб олишни режалаштиряптими, деган саволга жавоб берди.
"Мен буни ҳозир билмайман. Бу осон эмас ва осон бўлмайди. Балки ким биландир имзо чекармиз ёки ҳеч ким билан имзо чекмасмиз. Клуб оқилона ҳаракат қилиши керак. Ҳозирда жароҳат олган футболчиларимиз кўп бўлса, биз ҳаракат қилишимиз керак, аммо бу мумкинми ёки йўқлигини билмайман", деди Гвардиола жума куни бўлиб ўтган матбуот анжуманида.
“Манчестер Сити” Англия Премьер-лигаси доирасидаги навбатдаги ўйинини 4 январь, шанба куни ўз майдонида “Вест Хэм”га қарши ўтказади.
