"Миллий" стадионда бўлиб ўтган Португалия кубоги финали кутилмаган ғолибни тақдим этди: "Витория Гимараеш" - Португалия кубоги соҳиби!

Ўйин фаворит "Бенфика" учун мавсумни бирор соврин билан якунлаш учун сўнгги имконият эди. Аввалига 30 дақиқада Гайтан "Бенфика"ни олдинга олиб чиққан бўлса, кейин қандайдир икки дақиқа ичида "Гимараэш" футболчилари ғалабани илиб кетишди.

Ушбу ғалаба Гимараэш клуби учун тарихда биринчиси бўлди. Жамоа 1942, 1963, 1976, 1988, 2011 йилларда шу ергача етиб келган аммо ҳар сафар мағлубиятга учраган эди.

"Бенфика" эса, юқорида таъкидланганидек, мавсумдаги сўнгги совринни ҳам бой берди. Аввалроқ улар Европа лигаси финалида "Челси"га ютқазишган бўлса, мамлакат чемпионатида "Порту"дан атиги бир очко ортда қолиб, "кумуш" медалларни қўлга киритганди.

Маълумот ўрнида айтиш жоиз, юқорида уч омадсизликка қарамай, "Бенфика" рахбарияти жамоа бош мураббийи Жорже Жезуш билан шартномани 2 йилга узайтирди.

Португалия кубоги. Финал.
26 май. "Миллий" стадион.
"Бенфика"-"Витория Гимараэш" - 1:2 (1:0)
Голлар: Гайтан (30) - Судани (80), Рикарду (82).
"Бенфика": Артур Мораес, М.Перейра, Луизао, Гарай, Алмейда, Сальвио, Энцо Перес (Аймар, 86), Гайтан (Родриго, 83), Матич, Кардосо (Уррета, 69), Лима.
"Витория Гимараэш": Дуглас, П. Оливейра, Кану (Матиаш, 64), Адди, Эль-Адуа, Олимпио (Кривелларо, 77), Андре, Т. Родригеш, Рикарду, Судани, Бальде (Н′Диай, 90).
Огоҳлантиришлар: Матич (33) - Энцо Перес (41), Бальде (71), Адди (74).