"Ливерпуль" "Кристал Пэлас"нинг вингер Бен Доак учун 15 миллион фунт стерлинглик таклифини рад этди.
Жорий мавсумда "Ливерпуль" Доакни "Мидлсбро"га ижарага бериб юборди, Бен у ерда Чемпионшипнинг 20 та учрашувида 7 та гол урди.
19 ёшли шотландиялик футболчининг Майкл Керрик жамоасидаги ўйинлари ўтган ёзда Майкл Олисенинг "Бавария"га кетишидан кейин сарсон бўлаётган "Пэлас" эътиборини тортди.
Бироқ "Пэлас"нинг Доак учун 15 миллион фунт стерлинглик таклифи рад этилди, деб хабар беради talkSPORT. "Ливерпуль" Бендан умидлари катта ва уни кўпроқ қадрлайди.
"Пэлас" энди юқори тўлов билан қайтиш ёки муқобил мақсадларга ўтиш ҳақида қарор қабул қилиши керак.
Қўшимча қиламизки, Доак "Ливерпул"га 2022 йилда "Селтик"дан кўчиб ўтган ва шотландияликлар иқтидорли йигит учун 600 минг фунт товон пули олган.
