"Ливерпуль" бош мураббийи Арне Слот ўзининг ҳимоячиси Трент Александер-Арнольд бор эътиборини "қизиллар"да ўйнашга қаратганини айтди.

Охирги ҳафтада Александр-Арнольднинг келажаги ҳақидаги миш-мишлар авж олди. Миш-мишларга кўра, Мадриднинг "Реал" клуби қишки мавсумда Трент учун сўров юборган, аммо таклиф эмас.

Бироқ, Слотнинг ишончи комилки, бу 26 ёшли англиялик футболчини ҳафта охирида "Манчестер Юнайтед"га қарши баҳсда "Ливерпуль" таркибида ўйнашдан чалғитмайди.

"Сизга шуни айтишим мумкинки, у якшанба куни ўйнайди ва умид қиламанки, у охирги олти ойдагидек яхши ўйнайди.

Менимча, ҳамма унинг мавсумнинг биринчи ярмида қанчалик ажойиб ўйнаганини, биз учун ўйнашга эътиборини қаратганини, бу ерда бўлишни қанчалик хоҳлаётганини кўрди.

Мен уни машғулотларда кўраман ва ҳар куни қандай ишлаётганини кўраман. У тўлиқ эътиборини бизга қаратган ва якшанба куни ўйнайди", - деди Слот BBC билан суҳбатда.