"Liverpul" bosh murabbiyi Arne Slot o‘zining himoyachisi Trent Aleksander-Arnold bor e’tiborini "qizillar"da o‘ynashga qaratganini aytdi.
Oxirgi haftada Aleksandr-Arnoldning kelajagi haqidagi mish-mishlar avj oldi. Mish-mishlarga ko‘ra, Madridning "Real" klubi qishki mavsumda Trent uchun so‘rov yuborgan, ammo taklif emas.
Biroq, Slotning ishonchi komilki, bu 26 yoshli angliyalik futbolchini hafta oxirida "Manchester Yunayted"ga qarshi bahsda "Liverpul" tarkibida o‘ynashdan chalg‘itmaydi.
"Sizga shuni aytishim mumkinki, u yakshanba kuni o‘ynaydi va umid qilamanki, u oxirgi olti oydagidek yaxshi o‘ynaydi.
Menimcha, hamma uning mavsumning birinchi yarmida qanchalik ajoyib o‘ynaganini, biz uchun o‘ynashga e’tiborini qaratganini, bu yerda bo‘lishni qanchalik xohlayotganini ko‘rdi.
Men uni mashg‘ulotlarda ko‘raman va har kuni qanday ishlayotganini ko‘raman. U to‘liq e’tiborini bizga qaratgan va yakshanba kuni o‘ynaydi", - dedi Slot BBC bilan suhbatda.
