"Челси" ҳимоячи Аарон Ансельмино "Бока Хуниорс"дан муддатдан олдин ижарадан қайтганини тасдиқлади.

"Челси" август ойида "Бока Хуниорс"дан Аарон Ансельминони 17 миллион фунтга сотиб олди ва Ааронга кейинги ёзгача Аргентина клубида қолишига имкон берди.

Ансельмино мавсумнинг иккинчи ярмида "Бока Хуниорс"нинг асосий ўйинчиси бўлган, бироқ тиззасидан олган жароҳати туфайли чемпионатнинг сўнгги бешта ўйинини ўтказиб юборганди.

Аргентина чемпионатининг янги мавсуми январь ойида бошланади, аммо Ансельмино унда иштирок этмайди, чунки "Челси" 19 ёшли футболчининг ижара муддатини муддатидан олдин тугатди.

Evening Standard нашри хабарига кўра, Ансельмино энди "Челси"нинг асосий жамоаси аъзоси ва "кўклар"га Бенуа Бадиашиле ва Уэсли Фофана жароҳатларини енгишда ёрдам беради.