"Милан" бош мураббийи Сержиу Консейсау Италия Суперкубоги ярим финалида "Ювентус" устидан қозонилган ғалабадан сўнг (2:1) ўз таассуротлари билан ўртоқлашди.
"Жамоа иккинчи бўлимда кўрсатган иштиёқи учун бунга лойиқ эди. Биринчи бўлимда мен бир неча ҳафта олдингидек "Милан"ни кўрдим - ҳимояда ноаниқлик, чарчоқ, прессинг учун нотўғри дақиқаларни танлаш. Танаффусда бир нечта нарсаларни ўзгартирдик. Ҳаммаси бутунлай бошқача кетди.
Очиғи, биринчи бўлимдан кейин футболчиларни қучоқлаганим йўқ. Мен жуда ғазабландим, чунки улар биз тайёрлаган нарсани қилмади, менинг талабларимни бажармадилар. Баъзида жамоада қатъият йўқ эди, аммо бу вақт ўтиши билан пайдо бўлади", деди Консейсау.
