Испания Ла Лигаси "Барселона"га ярим ҳимоячи Дани Ольмони мавсумнинг иккинчи қисми учун рўйхатдан ўтказишга рухсат берди, деб хабар беради Каталония радиоси РАC1.
Аввалроқ, Ла Лига ва Испания Қироллик футбол федерацияси клуб молиявий фэйр-плей қоидаларига амал қилмагани учун “Барселона” ҳужумчиси Дани Ольмо ва ҳужумчи Пау Викторни рўйхатдан ўтказишдан бош тортганди.
Клуб мураккаб жараёндан ўтиши керак эди. Ла Лига 2025 йил 1 январда Ольмо ва Викторни лига футболчилари рўйхатидан чиқариб ташлади. "Барселона" ўз ҳуқуқларини суд механизмлари орқали ҳимоя қилмоқчи эди.
Бироқ клуб Дубай ва Қатар инвесторлари билан “Камп Ноу” стадионидаги ВИП ўриндиқларни сотиш бўйича келишувларнинг молиявий кафолатларини тасдиқловчи қўшимча ҳужжатларни тақдим этганидан кейин вазият ўзгарди.
