"Реал Мадрид" клуби телевидениеси ўйинларни ҳамма Мадрид клубига қарши бўлгандек ёритишда давом этмоқда. Жума куни Мадридда Винисиус Жуниорнинг "Валенсия" дарвозабонини туртиб юборгани учун майдондан четлатилгани сабабли катта норозилик юзага келди.
"Фақатгина "Реал" буларнинг барчасига, бутун тизимга дош бера олади. Биз "Валенсия"ни, ҳакамлар техник қўмитасини ва бу жирканч Ла Лигани мағлуб этдик. Ҳамма нарсага қарши ва ҳаммага қарши", дейилади "қаймоқранглилар" клуби телеканалида.
Эслатиб ўтамиз, "Реал Мадрид" сафарда "Валенсия" меҳмони бўлиб, 2:1 ҳисобида иродали ғалабага эришган эди.
