Фарғоналиклар таркибни кучайтириш мақсадида тажрибали ярим ҳимоячи Икром Алибоев билан шартнома имзоладилар.
Футболчи 1994 йилда Тошкентда таваллуд топган. Футболчилик фаолияти давомида Тошкентнинг" Локомотив" ва "Пахтакор", Жанубий Кореянинг "Сеул", "Теджон Ситизен" ҳамда "Канвон" каби клубларида ўйнади.
Икром Алибоев Ўзбекистоннинг тўрт карра чемпиони хисобданади, футболчи Ўзбекистон суперлигасида юздан ошиқ учрашув ўтказиб, 10 та гол уриб, 6та голга ассистентлик қилган, тажрибали ярим ҳимоячи Ўзбекистон терма жамоаси таркибида 28 учрашувда майдонга чиққан.
"Фарғоналик футбол мухлислари Икром Алибоевга янги мавсумда севимли жамоамизнинг барча мусобақаларда муваффақиятли ва ғолибона қатнашувини таъминлашда самарали ёрдам беришига тилакдошмиз" - дейилади фарғоналикларнинг расмий баёнотида.
