Farg‘onaliklar tarkibni kuchaytirish maqsadida tajribali yarim himoyachi Ikrom Aliboyev bilan shartnoma imzoladilar.
Futbolchi 1994 yilda Toshkentda tavallud topgan. Futbolchilik faoliyati davomida Toshkentning" Lokomotiv" va "Paxtakor", Janubiy Koreyaning "Seul", "Tedjon Sitizen" hamda "Kanvon" kabi klublarida o‘ynadi.
Ikrom Aliboyev O‘zbekistonning to‘rt karra chempioni xisobdanadi, futbolchi O‘zbekiston superligasida yuzdan oshiq uchrashuv o‘tkazib, 10 ta gol urib, 6ta golga assistentlik qilgan, tajribali yarim himoyachi O‘zbekiston terma jamoasi tarkibida 28 uchrashuvda maydonga chiqqan.
"Farg‘onalik futbol muxlislari Ikrom Aliboyevga yangi mavsumda sevimli jamoamizning barcha musobaqalarda muvaffaqiyatli va g‘olibona qatnashuvini ta’minlashda samarali yordam berishiga tilakdoshmiz" - deyiladi farg‘onaliklarning rasmiy bayonotida.
