"Ливерпуль" ўнг қанот ҳимоячиси Трент Александр-Арнольдни ушлаб қолиш учун бор кучи билан ҳаракат қилмоқда.

26 ёшли футболчи мавсум охирида "қизиллар" билан янги шартнома имзоламаса, эркин агентга айланади. Ҳозирда инглиз футболчиси хориж клублари билан бемалол музокара олиб бориши мумкин - миш-мишларга кўра, "Реал Мадрид" уни сотиб олмоқчи.

Журналист Жон Ричардсоннинг хабар беришича, "Ливерпуль" Трентга ҳафтасига 300 минг фунт (360 минг евродан ортиқ) маош билан беш йиллик шартнома таклиф қилган. Умуман олганда, агар у рози бўлса, Мерсисайд клуби тарбияланувчиси 90 миллион евродан кўпроқ даромад олиши мумкин.