"Манчестер Юнайтед" бош мураббийи Рубен Аморим жамоанинг учрашувлар вақтидаги қийинчиликлари ҳақида гапирди.
Якшанба куни “қизил иблислар” Англия чемпионати турнир жадвалида ишончли тарзда пешқадамлик қилаётган “Ливерпул”га қарши меҳмонда майдонга тушади. Манкунианликларнинг португалиялик мураббийининг фикрича, унинг жамоасида руҳий муаммолар бор.
“Майдонда ўйинчилар хавотир ва баъзан қўрқувни ҳис қилишлари мумкин. Биз буни ҳал қилишимиз керак - бизга масъулиятни ўз зиммасига оладиган ва бошқаларга ёрдам берадиган етакчилар керак. Мен асосий масъулиятни ўз зиммамга оламан, ўйинимизни яхшилаш учун ҳамма нарсани қилишим керак", - дейди Аморим.
“Ливерпуль” – “Манчестер Юнайтед” учрашуви Тошкент вақти билан соат 21:30да бошланади.
