"Галатасарой" "Наполи"дан мавсум охиригача ижарага олинган ҳужумчи Виктор Осимхеннинг январда жамоани тарк этишига йўл қўймаслик учун "қўлидан келган барча ишни" қилишга бел боғлаган. Бу ҳақда Turkish Football нашри хабар берди.
Манбага кўра, "Манчестер Юнайтед" нигериялик футболчига фаол қизиқиш билдирмоқда ва уни қишда сотиб олмоқчи, бироқ турк грандлари бунга йўл қўймоқчи эмас ва Осимхенни келаси ёзда доимий равишда қўлга киритиш устида ишламоқда. Таъкидланишича, 26 ёшли ҳужумчи жорий мавсумни "Галатасарой"да якунламоқчи.
Осимхен жорий мавсумда барча турнирларда 16 та ўйин ўтказиб, 13 та гол урди ва 5 та голли узатмани амалга оширди.
