"Ливерпуль" ва "Манчестер Юнайтед" кучли қор туфайли Англия Премьер-лигасининг 20-тур учрашуви бекор қилиниши мумкинлиги борасида расмий баёнот берди. Ўйин бугун, 5 январь куни Ливерпулда бўлиб ўтиши керак.
"Бугун эрталаб "Манчестер Юнайтед" билан "Энфилд"даги бугунги ўйин учун об-ҳаво ва саёҳат шароитларини баҳолаш учун хавфсизлик йиғилиши бўлиб ўтди.
Ушбу босқичда учрашув одатдагидек ўтиши режалаштирилган ва унинг ўтиши учун барча имкониятлар ишга солинмоқда.
Тушда жорий шароитларни баҳолаш учун яна бир хавфсизлик йиғилиши бўлиб ўтади", - дейилади "Ливерпуль" баёнотида.
"Манчестер Юнайтед" бу баёнотга жавобан ўйинга боришни режалаштираётган мухлисларни эҳтиёт бўлишга чақирди.
Учрашув Тошкент вақти билан 21:30да бошланиши режалаштирилган.
