Янги жамоада илк ўйинидаёқ соврин ютган ҳолатлар кўп. Масалан Бенитес «Интер»га келиши билан Италия Суперкубогини, Гвардиола «Бавария» билан Европа Суперкубогини ютган. Моуриньо ва Мойес Манчестердаги фаолиятини Англиядаги шунақа кубок билан бошлашган. Эслаганларим шу.

Аммо Консенсаунинг «Милан»даги ютуғи сал бошқача. Юқорида саналган мураббийлар мавсумлар оралиғида, ёзда чемпион жамоани қабул қилиб олишган. Ёз бўйи тайёргарликлар, назорат ўйинлари, трансферлар амалга оширилган. Ва мавсумдаги илк расмий ўйин ўша Суперкубок финалига тўғри келган. Консейсау эса мавсум ўртасида, муваффақиятсиз кетаётган жамоани қабул қилиб олиб, илк ўйиндаёқ «Ювентус»ни, кейин «Интер»ни, иккисини ҳам камбэк билан ютиб, соврин оляпти. Бу бошқача натижа.

Консейсауда Пиолидақа тажриба, Фонсекадақа тактик билимлар бўлмаслиги мумкин, аммо уларда йўқ бошқа нимадир бор. Харизма.