"Ал-Ҳилол" ва Бразилия терма жамоаси ҳужумчиси Неймар ўз фаолиятидан қониқиш ҳосил қиладими, деган саволга жавоб берди.

"Фаолиятим, эришган ютуқларим ва ўйнаган клубларимдан жуда мамнунман. Шубҳасиз, сиз ҳар доим бу ерда ва у ерда яна нима қила олардим деб ўйлайсиз, лекин буларнинг барчаси футболнинг бир қисми. Сиз ҳеч қачон барча совринларни юта олмайсиз. Мен ҳозиргача қилган барча ишларимдан жуда мамнунман", - деди Неймар CNN билан суҳбатда.

Фаолияти давомида бразилиялик футболчи "Сантос", "Барселона" ва "ПСЖ" клубларида ўйнаган. Неймар "Сантос" билан энг кўп ўйин ўтказган. У барча мусобақаларда 225 та ўйинда қатнашиб, 136 та гол урди ва 64 та голли узатмани амалга оширди.