"Al-Hilol" va Braziliya terma jamoasi hujumchisi Neymar o‘z faoliyatidan qoniqish hosil qiladimi, degan savolga javob berdi.

"Faoliyatim, erishgan yutuqlarim va o‘ynagan klublarimdan juda mamnunman. Shubhasiz, siz har doim bu yerda va u yerda yana nima qila olardim deb o‘ylaysiz, lekin bularning barchasi futbolning bir qismi. Siz hech qachon barcha sovrinlarni yuta olmaysiz. Men hozirgacha qilgan barcha ishlarimdan juda mamnunman", - dedi Neymar CNN bilan suhbatda.

Faoliyati davomida braziliyalik futbolchi "Santos", "Barselona" va "PSJ" klublarida o‘ynagan. Neymar "Santos" bilan eng ko‘p o‘yin o‘tkazgan. U barcha musobaqalarda 225 ta o‘yinda qatnashib, 136 ta gol urdi va 64 ta golli uzatmani amalga oshirdi.