Жоан Лапорта футболчининг матбуот анжуманидан кейин Рафинья Диас билан суҳбатлашди.
Эслатиб ўтамиз, "Барселона" вингери айни дамда мавсумнинг иккинчи қисмига рўйхатдан ўта олмаётган Дани Олмо ва Пау Виктор билан боғлиқ вазият қолган жамоа футболчиларига ҳам таъсир қилаётганини тан олди: "Мен ёлғон гапиришни ёқтирмайман. Агар бошқа клубда бўлганимда, бу ерга кўчиб ўтиш ҳақида икки марта ўйлаган бўлардим."
Ушбу матбуот анжуманидан кейинги машғулотда "Блауграна" президенти Жоан Лапорта бразилиялик футболчи билан суҳбатлашди. El Mundo журналисти Абраҳам Ромеро ёзганидек, суҳбат бир дақиқа давом этган. Унинг мазмуни номаълум.
COPE журналисти Елена Кондиснинг таъкидлашича, Рафиньянинг ўзи Лапортага салом бериш учун келган.
"Барселона" Испания Суперкубоги ярим финалида "Атлетик Бильбао"га қарши майдонга тушади. Учрашув 8 январь куни бўлиб ўтади.
