Joan Laporta futbolchining matbuot anjumanidan keyin Rafinya Dias bilan suhbatlashdi.

Eslatib o‘tamiz, "Barselona" vingeri ayni damda mavsumning ikkinchi qismiga ro‘yxatdan o‘ta olmayotgan Dani Olmo va Pau Viktor bilan bog‘liq vaziyat qolgan jamoa futbolchilariga ham ta’sir qilayotganini tan oldi: "Men yolg‘on gapirishni yoqtirmayman. Agar boshqa klubda bo‘lganimda, bu yerga ko‘chib o‘tish haqida ikki marta o‘ylagan bo‘lardim."

Ushbu matbuot anjumanidan keyingi mashg‘ulotda "Blaugrana" prezidenti Joan Laporta braziliyalik futbolchi bilan suhbatlashdi. El Mundo jurnalisti Abraham Romero yozganidek, suhbat bir daqiqa davom etgan. Uning mazmuni noma’lum.

COPE jurnalisti Yelena Kondisning ta’kidlashicha, Rafinyaning o‘zi Laportaga salom berish uchun kelgan.

"Barselona" Ispaniya Superkubogi yarim finalida "Atletik Bilbao"ga qarshi maydonga tushadi. Uchrashuv 8 yanvar kuni bo‘lib o‘tadi.