Грем Поттер "Вест Хэм" бош мураббийи этиб тайинланди. Клуб матбуот хизмати хабарига кўра, янги мураббийнинг "болғачилар" билан шартномаси икки ярим йилга мўлжалланган.
"Вест Хэм" Лондоннинг қоқ марказида кучли мухлислар базаси ва бутун дунёда қўллаб-қувватланадиган йирик клуб. Клубда майдонда ҳам, майдон ташқарисида ҳам муваффақият қозониш учун ҳамма нарса бор. "Вест Хэм" сўнгги йилларда сезиларли ютуқларга эришди ва кейинги ривожланиш учун пойдевор яратди. "Биз мухлислар фахрланадиган жамоа тузамиз", - дея Поттернинг сўзларини келтиради клуб расмий сайти.
"Вест Хэм" Англия Премьер-лигаси турнир жадвалида 14-ўринни эгаллаб турибди.
