Мадриднинг “Реал” клуби Винисиус Жуниор билан шартномани узайтириш устида ишламоқда.

Relevo нашри хабарига кўра, Мадрид клуби бразилиялик футболчининг янги шартномаси масаласини мавсум якунига қадар ҳал қилмоқчи ва яқин орада "Реал" ва Винисиус ўртасида ўтган ёзда бошланган музокаралар қайта тикланади.

"Реал Мадрид" Винисиусга 5 мавсум учун 1 миллиард евро тўлашга тайёр бўлган Саудия Арабистонидан келган таклиф шартномани узайтиришга тўсқинлик қилиши мумкин деб ҳисобламоқда. "Қаймоқранглилар" саудияликларнинг 24 ёшли вингерга бўлган қизиқишини инобатга олишмоқда ва футболчининг спорт амбициялари ва 1 миллиард евро сотиб олиш банди унга шартномани узайтиришда ёрдам беришига умид қилмоқда.

Таъкидланишича, Винисиус август ойида "Реал"ни тарк этишни ўйлаган, аммо якунда жамоада қолишга қарор қилган. Шунга қарамай, Саудия Арабистони ҳали ҳам бразилиялик футболчига бўлган қизиқишни йўқотгани йўқ ва эртами-кечми уни ўз чемпионатига жалб қилиш имкониятларига оптимистик қарамоқда.

Винисиуснинг "Реал" билан амалдаги шартномаси 2027 йилда якунига етади.