"Милан"нинг собиқ футболчиси Сандро Тонали ҳозир Англияда "Ньюкасл" сафида тўп тепмоқда, бироқ ўз ватанида ўтказган йилларини меҳр билан эслайди.
2022 йилда Тонали "Милан" Италия чемпиони бўлиши учун кўп куч сарфлади. Бу ўша пайтда клубда ўйнаётган Златан Ибрагимовичнинг фаолиятидаги сўнгги соврини эди. Айнан у Тонали ўзи билан бирга майдонга тушган энг яхши ўйинчи деб ҳисоблайди.
"Милан”да мен билан бирга ўйнаган энг яхши футболчи Златан Ибраҳимович бўлса керак. Бу афсона. Мен унинг менталитетига ошиқман, у майдонда ҳам, майдон ташқарисида ҳам ажойиб инсондир", - дея Тоналининг сўзларини келтиради pianetamilan.it.
