Португалиялик мутахассис Сержиу Консейсау "Милан"га бош мураббий этиб тайинланишидан олдин Бельгия терма жамоаси таклифини рад этди.
Хабарларга кўра, 50 ёшли Консейсау "Милан" билан анча вақт олдин келишувга эришган, шу боис у клубга ваъдасини бузмаган. Қолаверса, португалияликни Бельгия терма жамоасидаги ҳозирги ҳолат, яъни авлодлар алмашинуви содир бўлаётганидан хавотирга тушди.
Таъкидланишича, Бельгия раҳбарияти Доменико Тедескони истеъфога чиқариш ҳақида анчадан бери ўйлаган, бироқ шартномани бузганлик учун товон пули кўп (1,5 миллион евро) бўлгани учун бу қадам ҳақида ҳозирча бир қарорга кела олмаган.
