"Астон Вилла" Дортмунднинг "Боруссия" клуби ҳужумчиси Дониэлл Маленнинг трансфери устида ишлашда давом этмоқда.
Клуб 25 ёшли нидерландияликни сотиб олиш нияти ҳақидаги маълумотлар январ ойининг биринчи кунларида пайдо бўлганди.
Журналист Флориан Плеттенбергнинг янгиланган маълумотларига кўра, инглиз клуби "бамблар"га Мален учун 25 миллион евро миқдоридаги яхшиланган таклифни билдирган. Бу аллақачон дортмундликларнинг илтимосига яқин, улар 30 миллион евро талаб қилишмоқда.
Мален жорий мавсумда Шахин шогирдлари сафида 20 та ўйинда майдонга тушиб, 5 та гол урди ва 1 та голга ассистентлик қилди.
