"Барселона" марказий ҳимоячи Рональд Араухони "Ювентус"га сотишдан бош тортди.

Турин клуби 25 ёшли футболчига асосий даъвогар сифатида кўрилмоқда, бироқ улар ҳалигача “кўк-анорранглилар”нинг талабини қондира олишмади. Журналист Фернандо Поло хабарига кўра, "Барселона" "Ювентус"нинг Араухо бўйича биринчи расмий таклифини рад этган.

Каталония гранди уругвайликни фақат футболчининг ўзи қўйиб юборишни сўраган тақдирдагина ва 70 миллион еврога яқин суммага сотишни кўриб чиқади.

Араухонинг "Барселона" билан шартномаси 2026 йилнинг ўрталарига қадар амал қилади. Ҳимоячи яқинда жароҳатидан фориғ бўлди, шунинг учун у мавсум бошидан буён фақат битта ўйинда майдонга тушди.